Sualınız var? Cavablandıraq.

analizler.az — Azərbaycanda tibbi analiz qiymətlərinin müqayisə platformasıdır. Axtardığınız analizi tapır, laboratoriya, klinika və xəstəxanaların qiymətlərini yan-yana görür və birbaşa mərkəzlə əlaqə saxlayırsınız.

Pasiyentlər üçün tamamilə pulsuzdur və qeydiyyat tələb olunmur. Ödəniş yalnız mərkəzlərin öz kartlarını gücləndirmək üçün aldığı abunə paketlərinə aiddir.

Xeyr. Biz laboratoriya deyilik — analiz götürmürük, nəticə vermirik və nəticəni şərh etmirik. Platforma yalnız qiymətləri müqayisə etməyə və uyğun mərkəzi tapmağa kömək edir. Analiz və nəticə ilə bağlı hər şey seçdiyiniz mərkəzin məsuliyyətindədir.

Bütün müraciətlər WhatsApp vasitəsilə qəbul olunur: +994 99 680 13 13. Zəng qəbul edilmir — yazışma həm bizim, həm sizin üçün daha sürətlidir. E-poçt: info@analizler.az.

Hər mərkəz dərc olunmazdan əvvəl komanda tərəfindən yoxlanılır: ad, ünvan, əlaqə nömrəsi və fəaliyyət göstərib-göstərmədiyi təsdiqlənir. Yoxlamadan keçməyən qeyd saytda görünmür.

Rəqəmlər hər gün artır — dəqiq say ana səhifədə və «Haqqımızda» səhifəsində canlı bazadan göstərilir: təsdiqlənmiş mərkəzlər, analiz növləri, klinik panellər və əhatə olunan şəhərlər.

«Tövsiyə olunan» sıralamada mərkəzin reytinqi, məlumat dolğunluğu və abunə paketi nəzərə alınır. İstədiyiniz vaxt sıralamanı dəyişə bilərsiniz: yüksək reytinq, ən aşağı qiymət, ən çox analiz və ya ən yaxın.

Abunə paketi mərkəzin ümumi görünürlüyünə təsir edir, amma QİYMƏT MÜQAYİSƏSİNƏ təsir etmir: analiz və panel səhifələrində mərkəzlər həmişə qiymətə görə — ucuzdan bahaya — sıralanır. Heç bir mərkəz pul verməklə daha ucuz görünə bilməz.

Pasiyent kimi saytdan istifadə üçün qeydiyyat lazım deyil — ad, telefon və ya analiz nəticəsi toplamırıq. Yalnız hansı analizlərin axtarıldığı barədə şəxsiyyətə bağlanmayan ümumi statistika saxlanılır ki, kataloqu daha yaxşı quraq.

Bəli. Səhifənin yuxarısındakı «RU» düyməsi ilə dili dəyişə bilərsiniz. Analiz adlarının böyük hissəsi hər iki dildə verilib.

Hələ yoxdur. Sayt mobil ekranlar üçün tam uyğunlaşdırılıb — brauzerdən rahat istifadə edə bilərsiniz.

Qiymətləri mərkəzlərin özü öz kabinetindən daxil edir. Hər qiymətin yanında son yenilənmə tarixi izlənilir: 60 gündən çox yenilənməyibsə, qiymət saytda «təxmini» kimi işarələnir. Getməzdən əvvəl mərkəzlə dəqiqləşdirməyi tövsiyə edirik — kampaniya və ya dəyişiklik ola bilər.

Analizlər bölməsindən adı ilə axtarın və ya kateqoriyalar üzrə seçin. Analiz səhifəsində mərkəzlərin qiymətləri yan-yana görünür; şəhər filtri ilə yalnız öz şəhərinizdəki təklifləri göstərə bilərsiniz.

Hər analizin səhifəsində nümunə növü (qan, sidik və s.), acqarına tələb olunub-olunmaması və təxmini hazırolma müddəti göstərilir. Ümumi qayda: biokimyəvi analizlərin əksəriyyəti 8–12 saat acqarına verilir, su içmək olar. Dəqiq hazırlıq qaydasını analizi verəcəyiniz mərkəzdən soruşun.

Xeyr. Axtarış, müqayisə və mərkəzlə əlaqə üçün hesab lazım deyil. Qeydiyyat yalnız mərkəz sahibləri üçündür.

Xeyr, nəticələr yalnız analizi verdiyiniz mərkəz tərəfindən verilir. Hər mərkəzin profilində nəticəni necə çatdırdığı (WhatsApp, e-poçt, onlayn portal, kağız) göstərilir.

Bəzi mərkəzlər evə çağırış xidməti göstərir — bu, mərkəzin profilində ayrıca qeyd olunur və varsa çağırış haqqı göstərilir. Mərkəzlər bölməsindən baxa bilərsiniz.

Check-up paketi — mərkəzin bir qiymətə təklif etdiyi bir neçə analizdən ibarət hazır dəstdir və adətən ayrı-ayrı almaqdan ucuz olur. Hamısını Check-up bölməsində tərkibi ilə birlikdə görə bilərsiniz.

Mərkəzin səhifəsindəki «Məlumat düzgün deyil?» düyməsi ilə bizə bildirin — komanda yoxlayıb düzəldir. Təcili haldırsa WhatsApp ilə yazın.

Analiz səhifəsində mərkəzlər qiymətə görə ucuzdan bahaya düzülür. Şəhər filtri ilə yalnız öz şəhərinizdəki təklifləri saxlaya bilərsiniz — çünki ən ucuz mərkəz başqa şəhərdə ola bilər.

«Mərkəzlər» bölməsində «Yaxınımdakılar» düyməsini basın — brauzer yerinizi soruşacaq və mərkəzlər məsafəyə görə sıralanacaq. «Xəritədə göstər» ilə hamısını xəritədə də görə bilərsiniz.

Adətən bəli — göstərilən qiymət analizin tam qiymətidir. Bəzi mərkəzlər nümunə götürmə və ya evə çağırış üçün ayrıca haqq ala bilər; bu, mərkəzin profilində qeyd olunur. Şübhəniz varsa getməzdən əvvəl dəqiqləşdirin.

Əksər analizləri göndərişsiz vermək olar. Bəzi xüsusi analizlərdə (məsələn, bir sıra genetik və immunoloji testlər) mərkəz göndəriş tələb edə bilər. Nəticəni düzgün oxumaq üçün isə hər halda həkimə müraciət edin.

Əksər laboratoriyalarda növbə tələb olunmur — iş saatları ərzində gedib nümunə verə bilərsiniz. Bəzi klinikalarda və evə çağırışda əvvəlcədən razılaşdırma lazımdır; mərkəzə zəng edib dəqiqləşdirin.

Bu, mərkəzdən asılıdır — hər laboratoriya uşaqdan qan götürmür. Getməzdən əvvəl mərkəzlə əlaqə saxlayıb uşağın yaşını qeyd edin.

Bütün qiymətlər Azərbaycan manatı (₼) ilə göstərilir.

Bəli. Kataloqda 30-dan çox şəhər və rayon var. «Mərkəzlər» bölməsində şəhəri seçin və ya analiz səhifəsindəki şəhər filtrindən istifadə edin.

Son yeməkdən sonra 8–12 saat keçməsi deməkdir. Bu müddətdə sadə su içmək olar. Çox uzun ac qalmaq (14 saatdan çox) da bəzi göstəriciləri dəyişdirə bilər, ona görə səhər tezdən getmək daha yaxşıdır.

Sadə su içmək olar və hətta tövsiyə olunur — susuzluq qan almağı çətinləşdirir. Çay, qəhvə, şirin və qazlı içkilər, şirə isə acqarına sayılmır.

Həkiminizlə məsləhətləşmədən heç bir dərmanı kəsməyin. Qəbul etdiyiniz dərmanları analizi verəcəyiniz mərkəzə bildirin — bəzi dərmanlar nəticəyə təsir edir və bunu nəticəni oxuyan həkim bilməlidir.

Ümumi qan və biokimyəvi analizləri vermək olar. Sidik analizini bu günlərdə təxirə salmaq daha yaxşıdır. Reproduktiv hormonlar isə siklin müəyyən günündə verilir — hansı gün olduğunu həkiminiz göstərir.

Analizdən 24 saat əvvəl ağır fiziki yükdən və alkoqoldan çəkinin; nümunə verməzdən ən azı 1 saat əvvəl siqaret çəkməyin. Bunların hamısı bir sıra göstəriciləri müvəqqəti dəyişdirir.

Bir çox hormon (məsələn kortizol, testosteron) gün ərzində dəyişdiyi üçün adətən səhər saat 8–10 arası verilir. Mərkəzin iş saatlarını profil səhifəsindən yoxlaya və ya zənglə dəqiqləşdirə bilərsiniz.

Səhər oyandıqdan sonra ilk sidik götürülür. Xarici nahiyə təmizlənir, sidiyin ilk hissəsi tualetə buraxılır, ORTA hissəsi steril qaba toplanır. Nümunə 1–2 saat ərzində laboratoriyaya çatdırılmalıdır.

Kəskin infeksiya və antibiotik bir sıra göstəriciləri dəyişdirir. Təcili deyilsə, sağalandan 1–2 həftə sonra vermək daha dəqiq nəticə verir. Qərarı həkiminiz verməlidir.

Bəli — hamiləlik dövründə bir sıra analizlər mütəmadi tələb olunur. Nümunə verərkən hamiləliyinizi və həftəsini mərkəzə bildirin: bəzi göstəricilərin referans dəyərləri hamiləlikdə fərqlidir.

Hər analizin səhifəsində təxmini hazırolma müddəti göstərilir. Ümumi qan və biokimyəvi analizlərin əksəriyyəti eyni gün və ya ertəsi gün hazır olur; hormon, PCR və genetik testlər bir neçə gün çəkə bilər.

Nəticəni yalnız həkim şərh etməlidir. analizler.az nəticə oxumur, diaqnoz qoymur və müalicə təyin etmir — biz yalnız harada, hansı qiymətə analiz verə biləcəyinizi göstəririk.

Çünki referans intervalı istifadə olunan cihaz və metoda görə təyin olunur. Nəticəni HƏMİŞƏ onu verən laboratoriyanın öz referans dəyərləri ilə müqayisə edin — başqa laboratoriyanın normasına görə oxumaq səhv nəticə verə bilər.

Bəli, kiçik fərqlər normaldır — metod, cihaz və nümunənin götürülmə vaxtı təsir edir. Göstəricinin dinamikasını izləmək lazımdırsa, təkrar analizi mümkün qədər eyni laboratoriyada vermək daha düzgündür.

Bu, mərkəzdən asılıdır. Hər mərkəzin profilində nəticəni necə çatdırdığı göstərilir: WhatsApp, e-poçt, onlayn portal və ya kağız. Nəticəni yalnız analizi verdiyiniz mərkəz verir.

Panel — bir klinik suala cavab verən hazır test qrupudur: anemiya paneli, tiroid paneli, qaraciyər paneli və s. Həkim çox vaxt tək analiz yox, məhz belə bir qrup təyin edir.

Panelin tərkibini platforma müəyyən edir və o, bütün mərkəzlərdə eynidir — buna görə qiymətini mərkəzlər arasında müqayisə etmək mümkündür. Check-up paketini isə mərkəz özü qurur: hər mərkəzin paketi fərqli tərkibdə olur, ona görə onları birbaşa müqayisə etmək düzgün olmazdı.

Bəli. Panel səhifəsində hansı analizlərin daxil olduğu tam açıq göstərilir və bu tərkib bütün mərkəzlər üçün eynidir — mərkəz yalnız öz qiymətini yazır.

Adətən bəli. Panel səhifəsində eyni analizləri ayrı-ayrı almağın ən aşağı cəmi də göstərilir ki, qənaəti özünüz görə biləsiniz.

Paneli həkim təyin etməlidir — şikayətinizə və müayinə tarixçənizə görə. Platforma seçim etmir, yalnız təyin olunan paneli harada və neçəyə verə biləcəyinizi göstərir.

Mərkəzlər üçün səhifəsindən müraciət göndərin. Komanda profili yoxlayıb təsdiqləyir — bundan sonra mərkəziniz axtarış nəticələrində görünür. Qoşulmaq pulsuzdur.

Mərkəzin səhifəsindəki «Sahib çıx» düyməsini basın, nömrənizi təsdiq edin — sorğu bizə düşür. Təsdiqdən sonra həmin nömrə ilə kabinetə daxil olub qiymətləri özünüz idarə edirsiniz.

Bizdə parol anlayışı yoxdur. Giriş yalnız kartdakı mobil nömrə + SMS kod ilədir: analizler.az/giris. Şəhər nömrəsinə SMS getmir — mobil nömrə lazımdır.

İki yol var: kabinetdəki Qiymətlər bölməsindən, və ya WhatsApp ilə göndərdiyimiz girişsiz linkdən — həmin link 2 dəqiqəyə qiymətləri doldurmağa imkan verir və 45 gün etibarlıdır. Yenilədiyiniz anda saytda görünür və «təxmini» nişanı düşür.

Qiyməti olan mərkəzlər axtarışda önə çıxır və müqayisə cədvəlində görünür — pasiyent məhz oradan zəng edir. Qiyməti olmayan kart praktiki olaraq axtarışdan kənarda qalır.

Bəli. Kabinetdəki Statistika bölməsində profil baxışları, zəng və WhatsApp klikləri göstərilir (Silver paketdən başlayaraq). Gold paketdə əlavə olaraq pasiyentlərin hansı analiz səhifəsindən gəldiyi də görünür.

Xeyr. Qoşulmaq və Free paketdə qalmaq tamamilə pulsuzdur: profiliniz, ünvanınız, əlaqə nömrəniz və qiymətləriniz saytda görünür. Ödəniş yalnız əlavə görünürlük və alətlər istəyəndə lazımdır.

Bəli. Hər filial ayrıca kart kimi qeydə alınır, çünki ünvan, iş saatı və bəzən qiymətlər fərqli olur. Şəbəkənin loqosu isə bütün filiallarda eyni göstərilir və axtarışda şəbəkə kimi tanınır.

Bəli, kabinetdəki «Profil» bölməsindən loqo və mərkəzin şəkillərini yükləyə bilərsiniz. Yüklənə bilən şəkil sayı paketdən asılıdır (Free 5, Silver 15, Gold 40, Platinum limitsiz).

Rəylər Gold paketdən aktivləşir və mərkəzin səhifəsində görünür. Qaydalara zidd və ya yalan rəy görsəniz, onu bizə bildirə bilərsiniz — komanda yoxlayır və əsaslıdırsa gizlədir.

Kabinetdəki «Söhbətlər» bölməsində komanda ilə birbaşa yazışa, «Bildirişlər» bölməsində isə sistem xəbərdarlıqlarını (qiymətin köhnəlməsi, paket müddəti və s.) görə bilərsiniz.

WhatsApp ilə bizə yazın — mərkəzin kartını deaktiv edirik və o, axtarışdan çıxır. Səbəbi öyrənmək istəyərik, amma qərar sizindir.

Bizə WhatsApp ilə yazın, analizin tam adını göndərin. Analiz platforma səviyyəsində əlavə olunur — bundan sonra bütün mərkəzlər ona qiymət yaza bilər.

Dörd paket var: Free (0 ₼), Silver (39 ₼/ay), Gold (99 ₼/ay) və Platinum (198 ₼/ay). Hər paketin imkanları Paketlər səhifəsində müqayisə cədvəli ilə verilib.

Bəli: 3 ay üçün 5%, 6 ay üçün 10%, 12 ay üçün 20% endirim tətbiq olunur. Endirim ödəniş anında avtomatik hesablanır.

Kabinetdəki «Paket / Balans» bölməsindən balansınızı bank kartı ilə artırır, sonra istədiyiniz paketi balansdan alırsınız. Ödəniş Payriff üzərindən keçir — kart məlumatları bizdə saxlanılmır.

Müddət bitməzdən 5 gün əvvəl xəbərdarlıq bildirişi göndərilir. Yenilənməzsə, mərkəz avtomatik Free paketə keçir: profiliniz və qiymətləriniz yerində qalır, yalnız üst paketin imkanları (seçilmiş nişanı, rəylər, detallı statistika) dayandırılır. İstənilən vaxt yenidən aktivləşdirə bilərsiniz.

Bəli. Ödəniş Payriff ödəniş şlüzü üzərindən aparılır — kart məlumatlarınız bizim serverimizə heç vaxt düşmür və bizdə saxlanılmır.

Bəli. Balansınızı artırıb istənilən vaxt daha yuxarı paketi ala bilərsiniz — yeni paket dərhal aktivləşir.

Bəli, kabinetdəki «Paket / Balans» bölməsində bütün balans artırmaları və paket alışları tarixi ilə birlikdə göstərilir.

Azərbaycan banklarının Visa və Mastercard kartları ilə — həm fiziki, həm hüquqi şəxs kartı işləyir.

Pul çıxıb amma balans artmayıbsa, ödəniş vaxtını və məbləği bizə WhatsApp ilə göndərin — yoxlayıb həll edirik. Geri qaytarma və digər fərdi hallar üçün də eyni kanaldan yazın.